ديوان قصائدي: 2017

الاثنين، 23 أكتوبر 2017

قطرات ندى...

قطرات ندى

كلمات شاعر تراب السودان

مفيد عوض حسن علي

خادمين البلد ديل اولاد رجــــــــــــــــــــــــــــــــال

ديل اولاد حمد ما فيهم نقاش وجــــــــــــــــدال

رافعين راية وطن عزيز ما فيهو محـــــــــــــــــال

ديل اشبال اسد ديل اولاد حــــــــــــــــــــــــــلال

تراثهم ليهو قيمة ومالهم شريف وحــــــــــــــــلال

حامين ارض البلد طوقاً عليها هــــــــــــــــــلال

مساهرين حامين عرضهم واقفين ليلاً سوادو دلال

مادين ايديهم للغريب عفة ومروة كرم وخصـال

حامدين ربهم شــــــــــــــــــــاكرين دربهم فيه دلال

ازيدهم ربهم اديهم عز وخير شـــــــــــــــــــلال

الدوحة – دولة قطر

الاثنين 23 اكتوبر 2017

الأربعاء، 27 سبتمبر 2017

النبراس...

النبراس

كلمات شاعر تراب السودان

مفيد عوض حسن علي

تميم نبراس ليهو المجد رافع الراس

قطري ومقيم ليهو جنود دوام حراس

ساعة الحارة ولمن دقت الاجراس

هبو رجال حاملين للعدو مليون فاس

كلمتك في الامم كلمة حق وليها اساس

عودتك للوطن نور للبيت يا سيد الناس

تواضعك لاهل بيتك فيه شموخ مزيد احساس

طبعك جميل باسم ورثت الحب والعرق دساس

حبنا ليك قطري ومقيم نابع برضا واخلاص

ادوم الحب وادوم لينا تميم وديمة رافع الراس

ادوم الحب وتدوم قطر وادوم تميم نبراس

الدوحة – دولة قطر – 25/09/2017

تميم المجد

تميم المجد

كلمات شاعر تراب السودان

مفيد عوض حسن علي

يا تميم المجد بعهدك زايد مجدنا

يا حمد الكبير بعزكم دايم عزنــــــــــا

خير البشائر وجهكـــــــــــــــــم

وخير الاراضي بلدكـــــــــــــــــــــــــم

حب الوطن في دمكــــــــــــــــم

نحن وجنودكم نحمي ارضكــــــــــــــم

في الدرب نمشي نخلد ذكركــم

بالدين والعزيمة نصون عرضكـــــــــم

ليس لدينا في الاخوة غيركـــم

دين علينا بالسواعد نبني نعمر وطنكم

الدوحة – دولة قطر

22/08/2017

أبشروا بالعز

أبشروا بالعز

كلمات شاعر تراب السودان

مفيد عوض حسن علي

ما بننذل ولا بننهــــــــــــان

ارضنا قطر في الكون كلو ليها مكان

سافرنا هاجرنا بعيد وزمان

من الشمال والخور والوكرة كمــــان

سمعتنا الطيبة ليها زمـــان

وبلدنا قطر اجمل الاوطـــــــــــــــــان

وقت تمشي وتزور الحي تجيك الناس

جارية وانصبوا ليك كمان صيــــوان

عزومة وليمة حلل قيـــزان

ضبايح جمال وبقر كتير خرفــــــــان

يوم العيد تقول يوم عرسك عز تهليل

وناسا اجوك من اي مكــــــــــــــــان

تدوم يا عز وادوم وطنا بنوه جنـــود

جدودنا العمرو الحيشـــــــــــــــــــان

ابشروا بالعز وتميم العــــــــــــــــــــز

ادوم لينا ونعيش دنيتنا بخير وامان

الدوحة – دولة قطر

28/08/2017

عــــــــــز الرجــــــــــال

عــــــــــز الرجــــــــــال

كلمات شاعر تراب الســـــودان

مفيد عوض حسن علي

نفخر بيك عز الرجال تميم المجــــد

الصاين العروض والأرض حاميـــــــــــها

شجاع في خطوتك وسيم في نظرتك

ما بتهاب الموت سيفك في المحن ساليها

ما صعبت عليك الحياة دروس وعبر

كاسر الحواجز كل الأمور حاليـــــــــــــها

مادد سواعد الخير للغني والفقيــــــر

وزكاتك والصلاة للمرض مداويــــــــــــها

ابشر يا عز الرجال وراك اســـــــــود

ونحن معاك ارواحنا فداك قطر نحميـــــها

ونفخر بيك تميم المجـــــــــــــــــــــــد

نفخر بيك تميم العز وقطر عزها دائم ليها

ودمت يا عز الرجال

************************

الدوحة – دولة قطــــــر

الاثنين 14/08/2017

عيدك يا وطن

عيدك يا وطن

كلمات شاعر تراب السودان

مفيد عوض حسن علي

في تمهيدك ربي إزيدك

ليوم عيدك كم نشتاق

نغني قصيدك نقولوا نشيدك

نسلم إيدك للعشاق

في اطباعك حر وأصيل

كرمك وجودك غصن إميل

في ساعة الشدة سخي وجليل

وفي أجدادك طيب وزيادة

نفديك بأرواحنا نفديك بالمال

وساعة الحارة ليك رجال

نخلص ليك وأنت المخلص

تعز والديك وليهم مخلص

نحن الليلة بيك سعاد

ونحن البكرة ليك عتاد

وما تقول يوم بننسى الفات

ولتاريخنا جسور أمجاد

في تمهيدك الله إزيدك

ترابك وشعبك ليك حصاد

تسافر الدنيا تبني صداقة

تعرف بلدك طيب وعراقة

رؤساء وامراء ليك أخوان

وبنعزك نحن في السودان

في تمهيدك الله إزيدك

بلدك وشعبك بخير وأمان

الله إزيد في عمر الوالد

إديك من أصلو الكرم الواجد

وفي تمهيدك ربي إزيدك

وليوم عيدك كم نشتاق

نغني نشيدك نبني جديدك

وفي يوم عيدك ليك نشتاق

جندك وجيشك حرس وبواسل

دروع في دربك فدى متواصل

في تمهيدك الله إزيدك

إنت حنين وليك نشتاق

الدوحة – دولة قطر

11\11\2015

في ربيع الحب...

في ربيع الحب...

كلمات / شاعر تراب السودان / مفيد عوض حسن

مع كل غيبة شمس... ليك علينا طله...

مع كل طلعة شمس... اميرنا صاحي الحبيب ما مله...

شعبك رافع الرأس... ما بترضى ليه مذله...

شعبك بيك راضي... ليك في قلوبنا محله...

في المحن نحن الدروع وسيوف... في الفرح نغرد طيور بمحنه...

شفناك عديل ورزين... ما فيك كلام بمظنه...

انت الربيع في الصيف... انت الصديق واهلنه...

قولك كتير موزون... اجرك تواسي الجنه...

الدوحة – دولة قطر 15/08/2017

الحصار...

الحصــــــــــــــــــــــــــــــــــــــــار

كلمات شاعر تراب السودان

مفيد عوض حسن علي

الحصار... ومن اين؟ من الاصدقاء... من دول الجوار…

الحصار... ما سوى شيء غير انو كان السبيل للعزلة والاختصار…

الحصار... ما ضرانا نحن بل كان الهزيمة الكبرى لدول الحصار…

الحصار... من اين صدر؟؟؟ من السعودية...لا ، من الامارات...لا ، من البحرين...لا ، من مصر...لا ... !!!

دا صدر من ترامب بعد ما بلع حقول النفط وولع فيها النار...

قطر ابيه...

قطر قويه...

قطر صخرة...

ما بهمها لا حصار... ولا كوم غبار...

البدأ اللعب بالنار... انتظر... وكم سيأتي عليه الدمار...

شوف الدول شو قررت... مطالبها قوة وانكسار...

يا للعار... عرب... اسلام... عايزين دمار...

في شهر الصيام والعاشر منه يوم نكسة العرب 67 وكان الحصار...

الحصار... فتح عيونا وخلانا نعاين للوطن من العدو الغشيم جبار...

الحصار... خلانا اقوى بجيوشنا وشعبنا وخلانا نرعى حق المواطن والمقيم بعزم وقرار...

الحصار... خلانا اقوى وخلى العدو الغشيم محتار...

الحصار... قوى العزيمة من غير هزيمة وقررنا الثبات ونسابق الزمن ما طار...

وليك يا وطن... روحنا فداك... وليك يا تميم مجدنا وبنجدد البيعة بكل عزم وكفاح واصرار... ودعواتنا تهزم العدو الغشيم غدار...

*****************************

الدوحة – دولة قطر

الاثنين 17/07/2017

تعالوا معاي...

تعالوا معاي

كلمات شاعر تراب السودان

مفيد عوض حسن علي

تعالوا معاي... تعالوا معاي... نمشي لقدام...

ونرسم خريطة جديدة للاحلام...

نرفع مجدنا... نجدد عهدنا... ونرفع علم جديد...

مطرز بحرير... جميل الوان... ورد وحمام...

نبني بيوت الشوق... ونبني مستقبل جديد...

كلو حنين... زهور... وفيه سلام...

نمسح حزن دموعنا... ونفتح بياض قلوبنا...

وننسى حروبنا... والالام...

نعيد ماضي جدودنا...

الزرعوا فينا روح الفرح يا سلام...

نبني في بذورنا الريد...

ندخل فيهم المودة اكونوا لبعض لحم ولحام...

نعمر بلدنا... نواصل اهلنا...

نكون درع للخصوم قدام...

نعيش باقي عمرنا ربوع ووام...

نمد ايدينا... نرفع راية الفرح...

ونعيد ذكرانا حب وسلام... تعود ايامنا حب وسلام...

بس انتوا تعالوا... تعالوا معاي...

الدوحة – دولة قطر - الخميس 20 يوليو 2017

حماك الله يا وطني...

حماك الله يا وطني

كلمات شاعر تراب السودان

مفيد عوض حسن علي

ما كان ذاك الهول عليك يا قطر

إلا عواصف عدو شبت من الغرب

جسورة انت بفضل الله وقائدك

حماك الله ولن تهزك ريح ولا كرب

ما كان ذاك الذل فيك وقد هوى

وتطايرت اشلاؤه على الأعداء

ما قد نشر قد تبين انه من حاسد

وقد تبين الحقد من ضمير نائم

كفى انك للمكارم رمزا خالداً

يدك بيضاء تمديها بلا طلب

قد غاب من هؤلاء القوم سر عروبتهم

نسوا الاخوان وحتى الدين قد ظلم

تابعوا من هم في غير نصرتهم

وظنوا بان الله قد غفل

نسوا التراحم بين جارتهم

وظنوا بان العدو قد كسب

دعوا الشيطان لنيل غايتهم

وما كان عهد الشيطان الا وقد هزم

لك المجد وفيك قائدك

تميم وجنوده في نصرة البلد

ونحن والشعب ارواحنا تفدي

وتحمي القائد العملاق والجند

كفى أيها العرب كفوا مزاعمكم

ديروا على الأعداء في نصرة الوطن

سألت الله في كل صلواتي

بان يحمي الدين والاوطان والبلد

حماك الله يا وطني

الدوحة – دولة قطر

الخميس 15 يونيو 2018

نفديك يا وطن

نفديك يا وطن

كلمات شاعر تراب السودان

مفيد عوض حسن علي

كل واحد للوطن حيلو شادي وقابض

ما بدور تنكيس علمو ما دام قلبو في حب

الوطن صاحي ونابض ...

حريتو ما بديها زول ... بقول للهزيمة لا...

وبرفض قول العدو وبعارض ...

هاك يا وطن ليك نمد ايادينا ونرفع صوتنا

في السما باعلى انشودة للطغاة ومعارض ...

نحبك يا وطن ... نحبك يا تميم ... نحبك يا قطر

والما بعجبو ندفنو في التراب دا زولا عارض ...

ونفديك يا وطن ... نفديك يا تميم ... نفديك يا قطر

نفديك يا وطن ...

الدوحة – دولة قطر

الاثنين 28/08/2017